Pehli Mulakaat

Kitne sir jhukaye, Kitne hath jode?
Mai nahi jaanta
Kitne daan dharm punya kare?
Mai khud nahi jaanta
Mangi thi bas ek dua, Tu ho bass pass mere
Konsi dua kahan lagi, Mai nahi janta

Magar aaj khushi ki baat hai... 2x
Khushnuma mijaaz hai
Khil-khilata chehra mera,
Honthon pe muskaan hai
Maa ne pucha baat kya hai.?
Unhe kaise bataun yarr,
Aaj Pehli Mulakaat hai!

Milne se pehle, Jo thi adhuri
Kuch khwahishein, Kuch chahatein
Hone ko puri so lagta hai,
Ke puri hogyi mannate

Mai kaise kehdun ankhon se,
Yeh pura hota khwaab nahi,
Koi chuti kaato hathon pe
Yeh sapna meri aukaat nahi

Yeh dil ki dhadkan badhti jaye,
Yeh ankhein dono fadki jayein,
Yeh hathon mein kanpan kaisi,
Yeh Haal-e-Dil koi samjhaye

Ab kya yeh haal leke mai vaidh ke pass jaun kya... 2x
Par puchega woh bhi wahi baat, Ke baat kya hai!
Use kaise samjhaun yarr, Pehli Mulakaat Hai

..Aur..

Horha hun taiyar mai, Tumhe dekhne ko
Na wakt beet-ta tezi se, Na chain ata hai
Yeh braclet, ring toh rakhli maine
Sath phool dun gulaab ka yeh khyal ata hai

Aur aati hogi woh bhi,
Har raste pe ankhein bichaye...2x
Mujhse milne ki bechani bhi toh badhti hogi
Akhir uski bhi toh Pehli Mulakaat hogi....2x

..Fir...

Dupatte se dhaka chehra,
Ankhon pe surme ka pehra,
Bus se bhi utri ho toh lagti ho apsara si
Laao yeh bag mujhe dedo,
Kandho pe zor na do,
Nhi chahta ke aaye tumpe aanch zara si

Aur, Karne ko tareefe hazar kardun,
Ankhon se galo tak ki,
Hothon se kano tak ki.
Pairon se zulfon ki,
Baalon ke fooltak ki
Haye na lage nazar meri
Yeh karlun ankhein band kya
Ho itni haseen tum,
Rok dun samay kya

..Par..

Suno yeh mulakaat khatm hone ko hai!
Dhyan se jana, Sham dhalne ko hai,
Fir milne ki tareekhein tay krlein kya?
Yeh dil bechain wapis milne ko hai

Summary

Ishq ki shuruaat aksar ankhon se hoti hai jab apki ankhein apne pyar ko dekhti hain, Apko apki mohabbat ka pehla deedaar hota hai, apne beshak khuda ko kabhi na dekha ho magar uske hone ka ehsaas uss shaks mein apko milta hai, 

"Pehli Mulakaat" ek aise hi insaan ki kahani hai jo kaafi samay se apne pyaar se milne ka intezaar kar raha tha. Usne na jaane kitni duaayein aur mannatein maangi thi, aur jab aakhirkar milne ka din aata hai, to uski khushi ka koi thikana nahi rehta. Dil ki dhadkanein tez ho jaati hain, haath kaampne lagte hain aur waqt jaise ruk sa jaata hai.Pehli Mulakaat"

Mulaqat se pehle woh taiyari karta hai, sapne dekhta hai aur sochta hai ki jab saamne woh shakhs hoga to kaisa mehsoos hoga. Jab aakhirkar uska deedar hota hai, to woh uski khoobsurti, saadgi aur muskaan mein kho jaata hai. Har lamha uske liye khaas ban jaata hai aur use lagta hai jaise uski saari adhuri khwahishein poori ho gayi hon.

Lekin jaise-jaise shaam dhalti hai aur mulaqat khatm hone lagti hai, uske dil mein phir se milne ki bechaini janam lene lagti hai. Yeh kavita pehli mohabbat, intezaar, umeed, khushi aur pehli mulaqat ke khoobsurat ehsaason ko bayan karti hai, jahan ek mulaqat sirf mulaqat nahi balki anek duaon aur khwabon ke poore hone ka pal ban jaati hai.